Жоғары сынып оқушыларының кәсіби бағыттылығын салыстырмалы аспектіде эмпирикалық зерттеу
Кілт сөздер:
кәсіби бағдарлау, кәсіп, сауалнамалау, талдау, жетім жасөспірімдер, бітіруші сынып.Аңдатпа
Аталған ғылыми мақала орта мектептегі бітіруші сынып оқушылары арасында жүргізілген сауалнаманың нәтижесін талдауға арналған. Осы байланысқа орай зерттелуші бітіруші сыныптағы жетім жеткіншектер тобында кәсіби бағыттылыққа қарым-қатынастың анықтығы орта есеппен оқушылардың бестен бір бөлігінде байқалады. Тоғызыншы сыныптағылардың қалған бөлігінде кәсіби бағыттылық қалыптаспаған, олардың нақты кәсіп таңдауы әлі анықталмаған: олар достары мен таныстарының пікіріне сүйенеді, сондай-ақ кәсіптің тартымдылығының сыртқы факторларына бағдарланады (жоғары жалақы, іс-сапарлар, тұрғылықты мекен-жайға жақындық т.б.). Ата-анала- ры бар бітірушілер тобының жеке кәсіби жоспарлары орташа 60-70% 9-сыныпта қалыптасады, ал басқа 9-сынып оқушыларының кәсіби бағыттылығы қалыптасу барысының кезеңінде болып табы- лады. 11-сынып оқушыларына тән тенденция келесідей: кәсіби бағыттылықтың қалыптасуы ата- аналары бар оқушыларға қарағанда жетім оқушыларда анағұрлым төмен.
