Зағип аналардың ата-аналық әлемдік тәжірибесі

Аңдатпа

Зағип аналар қоғам тарапынан үлкен қолдауды қажет ететін ерекше топтардың бірі болып табылады. Дегенмен бұл мәселе көп елдерде не теориялық, не тәжірибелік тұрғысынан жеткілікті зерттелмеген. Зағип аналардың ата-аналық тәжірибесіне жүргізілген әлемдік тәжірибе ана барлық елде ана, бала барлық елде бала болып қалатындығын көрсетеді. Зағип аналардың ата-аналық тәжірибесі көзі көретін аналар тәжірибесіне ұқсамайды. Сондықтан зағип аналар бала күтіміне, тәрбиесіне қатысты әдіснамалық нұсқаларға, арнайы тренингтерге, арнайы веб-сайттарға, медициналық қызметкерлер мен әлеуметтік жұмысшылардың қолдауына мұқтаж. Сондай-ақ, туыстарының, достарының, тіпті көршілерінің де эмоционалдық және физикалық қолдаулары өте маңызды. Зағип аналардың ата-аналық сенімсіздігі бала психологиясына кері әсерін тигізеді. Мақалада зағип аналардың ата-аналық тәжірибесіне қатысты әртүрлі елдерде жүргізілген ғылыми мақалаларға талдау жасалған. Соның негізінде зағип аналардың ата-аналық тәжірибесінің негізгі мәселелері анықталып, зағип аналардың ата-аналық тәжірибесін жеңілдететін кеңестер мен ұсыныстар жасалған. Бұл кеңестерді зағиптарды оңалту орталықтары, медициналық мекемелер, әлеуметтік қызметкерлер, сондай-ақ зағип аналар өз тәжірибелерінде пайдалана алады. Зағип аналарды қолдау негізінде түрлі әлеуметтік бағдарламаларды жасай отырып, олардың ана болуға және аналық өмірлерін жеңілдетуге ықпал ете аламыз.

Түйін сөздер: соқырлық, зағип аналар, зағип аналардың ата-аналық тәжірибесі, мүгедек ата-аналар.