Балалар үйі түлектерінің әлеуметтік бейімделу мәселелерін шешудегі сүйемелдеу жүйесі

Abstract

Бұл мақалада балалар үйі түлектерінің әлеуметтік бейімделу мәселелері мен олардың постинтернаттық сүйемелдеу мәселелері қарастырылған. Қазіргі таңда жетім балалардың санының көбеюі әлемдік ғалымдардың назарын көп аудартуда. Жетім балалардың көбею тенденциясына байланысты түрлі факторлар ғалымдардың зерттеулерінде көрсетілген. Ғылыми әдебиеттерді талдау барысында, қазіргі таңда жетім түлектердің қоғамға сәтті бейімделу мәселелері мен оларды постинтернаттық сүйемелдеу өзекті тақырыптардың бірі екенін көрсетті. Жұмыстың мақсаты – жетім балалардың балалар үйінен кейінгі қоғамдағы орнын, әлеуметтік бейімделуін теоритико-методологиялық тұрғыда анықтау. Жетім балаларды өз бетінше өмір сүруіне дайындауға қатысты әдебиеттерді талдау кезінде, жетім түлектердің өзіндік дағдыларын қалыптастырудағы ең тиімді технология сүйемелдеу екенін көрсетті. Сүйемелдеу әлеуметтік жұмыстың технологиясы ретінде қарастырылады, оған кіреді: жетім түлектердің бейімделу барысындағы бірнеше мәселелерді шешетін тиімді білімдер жүйесі; диагностикалық мақсатты тұжырымдау негізінде мәселені кезең-кезеңмен шешу. Сүйемелдеу балалар үйі мекемелерінде постинтернаттық кезеңде ұйымдастырылады. Сүйемелдеу технологиясын іске асырудың екі деңгейі бар: жүйелік сүйемелдеу ( мәселені оңалту мен түзету) және индивидуалды сүйемелдеу. Сүйемелдеу жүйесі жетім түлектерді өз бетінше өмір сүруіне дайындық бағдарламасын ұсынады. Бұл бағдарламаның жетім түлектердің бейімделу мәселесін шешетін ерекшеліктері көрсетілген.

Түйін сөздер: жетім балалар, өзіндік өмір сүру, сүйемелдеу, технология, бейімделу.