Әртүрлі қозу эмоцияларының табандылыққа әсері
DOI:
https://doi.org/10.26577/JPsS.2022.v81.i2.01Аннотация
Ұзақ мерзімді мақсаттарға жету және қиындықтарды жеңу ерік-жігері ретінде айқындалатын табандылық жеке тұлғаның интеллектімен қатар маңызды ресурсы болып табылады. Эмоциялар адамдардың мінез-құлық тенденцияларын белсендіруі мүмкін. Қазіргі заманғы зерттеулер белгілі бір жағымсыз эмоциялардың адамдарға әртүрлі әсер етуі мүмкін екенін көрсетеді. Бұл мақаланың мақсаты – әртүрлі эмоциялардың табандылыққа сараланған әсерін зерттеу. Зерттеудің мақсатты тобы – 18 бен 25 жас аралығындағы жастар. Ашу, жиіркеніш, қорқыныш, қайғы, қуаныш және релаксация тәуелсіз айнымалылар ретінде анықталды, ал тәуелді айнымалы ретінде қатысушылардың төзімділік сауалнамасындағы ұпайлары таңдалды. Эмоция мен табандылықты өлшеу үшін Хармон-Джонстың «Эмоцияның дискретті сауалнамасы» және Дакворттың «Табандылықтың қысқаша шкаласы» пайдаланылды. Зерттеу нәтижелері бейтарап эмоционалдық күйдегі субъектілерге қарағанда бақыт пен ашудың эмоционалдық күйіндегі субъектілердің табандылық деңгейінің жоғары екенін көрсетті. Адамдар бейтарап эмоциялардың әсерінде болған күймен салыстырғанда жиренішті күйде табандылықты танытады. Сонымен қатар, қайғы мен қорқыныш күйі табандылық деңгейінің төмендеуіне әсер етеді. Бұл зерттеулер әртүрлі эмоциялардың табандылыққа әсері туралы алдын ала дәлелдер береді. Зерттеудің практикалық маңыздылығы адамның мінез-құлқына жағымсыз эмоциялардың сараланған әсері туралы эмпирикалық мәліметтерді тұлғаның мотивациялық-қажеттілік салаларын реттеу кезінде қолданумен байланысты.
Түйін сөздер: академиялық жетістік, дискретті эмоциялар, жағымсыз эмоциялар, оң эмоциялар, табандылық.
